హీరోయిన్ ఛాన్స్ ఇస్తాన‌ని రెండేళ్లుగా రేప్‌

ఆమె వ‌య‌స్సు 17 సంవ‌త్స‌రాలు. హీరోయిన్‌గా వెండితెర‌పై వెలిగిపోవాల‌ని ఎన్నో క‌ల‌లు కంది. ఈ మాయా ప్ర‌పంచంలో రాణించాల‌ని ఎన్నో ఆశ‌లు పెట్టుకుంది. అయితే ఆమెకు సినిమాల్లో ఛాన్స్ ఇస్తాన‌ని చెప్పిన ఓ పెద్ద మ‌నిషి రెండేళ్లుగా ఆమెపై లైంగిక దాడికి పాల్పడ్డాడు. ఉత్తరప్రదేశ్‌లోని ఘజియాబాద్‌లో జ‌రిగిన ఈ సంఘ‌ట‌న వివ‌రాలు ఇలా ఉన్నాయి. ఆ యువ‌తి హీరోయిన్ అవ్వాల‌న్న కోరిక‌తో 2014 జూలైలో ఆమె ఘజియాబాద్‌ యాక్టింగ్‌ స్కూల్‌లో చేరింది.

బాలీవుడ్‌ గ్లామర్‌ ప్రపంచంలో అడుగుపెట్టాలని, నటిగా రాణించాలని కలలు కంది. స్నేహితుడి ముసుగులో ఓ వ్యక్తి ఆమెకు సునీల్‌ కులకర్ణిని పరిచయం చేశాడు. అత‌డు ఆ యువ‌తి తల్లిదండ్రుల‌ను క‌లిసి బాలీవుడ్‌లో త‌న‌కు చాలా ప‌రిచ‌యాలు ఉన్నాయ‌ని న‌మ్మించాడు. ముంబైకి తీసుకెళ్లి సినిమా అవకాశాలు ఇప్పిస్తానని ఆమె తల్లిదండ్రులకు చెప్పాడు. త‌ర్వాత కుల‌క‌ర్ణి ఆమెను ఢిల్లీకి తీసుకొచ్చాడు. ఇక్కడి వసంత్‌కుంజ్‌లోని ఓ ఫ్లాట్‌ తీసుకొని అక్క‌డ‌ ఉంచాడు. ఆమెకు నిద్ర‌మాత్ర‌లు ఇచ్చి ఆమెపై రేప్ చేసేవాడు.

త‌ర్వాత ఈ అఘాయిత్యం గురించి ఎవరికైనా చెబితే ఆ ఫొటోలు ఆమె తల్లిదండ్రులకు పంపిస్తానని భయపెట్టి.. ఆమెపై రెండు సంవ‌త్స‌రాలుగా రేప్ చేస్తూనే ఉన్నాడు. మరో వ్యక్తితో కూడా ఆమెపై అత్యాచారం చేయించి.. వీడియో తీశాడని, దీని తల్లిదండ్రులకు చెప్తే వీడియోలు బయటపెడతానని హెచ్చరించాడని బాధితురాలు ఢిల్లీ వసంత్‌ కుంజ్‌ పోలీసులకు ఇచ్చిన ఫిర్యాదులో పేర్కొంది. కేసు నమోదుచేసిన పోలీసులు బాధితురాలిపై అత్యాచారం జరిపిన మరో నిందితుడిని పట్టుకునేందుకు కోసం గాలిస్తున్నారు.

Videos

Leave a Reply

Your email address will not be published. Required fields are marked *