హన్మంతప్ప మృతి

చావు బ్రతుకుల మధ్య కొట్టుమిట్టాడిన వీరజవాను హన్మంతప్ప ప్రాణాలు విడిచాడు. హనుమంతప్ప మరణించినట్లు ఆర్మీ పేర్కొంది. ఆరు రోజులు మంచు చరియల కింద, ఆ తర్వాత హాస్పటల్లో మృత్యువుతో పోరాడిన జవాను హనుమంతప్ప ఇవాళ ఢిల్లీలోని ఆర్మీ ఆస్పత్రిలో కన్నుమూశాడు. గత మూడు రోజులుగా అతను వెంటిలేటర్‌పైనే ఉన్నాడు. 33 ఏళ్ల హనుమంతప్ప ఆరోగ్యం తీవ్రంగా క్షీణించిందని ఇవాళ ఉదయం ఆర్మీ మెడికల్ బులిటెన్‌లో తెలిపింది. మళ్లీ ఉదయం 11.45 నిమిషాలకు జవాను హనుమంతప్ప తుదిశ్వాస విడిచినట్లు ఆర్మీ స్పష్టం చేసింది. సియాచిన్ కొండపై మృత్యుంజయుడిగా బయటపడ్డ హనుమంతప్ప తిరిగి కోలువాలని గత రెండు రోజులు దేశవ్యాప్తంగా ప్రజలు పూజలు, ప్రార్థనలు చేశారు. ఆయన్ను కాపాడేందుకు ఆర్మీ వైద్యులు శతవిధాలా ప్రయత్నించారు. హనుమంతప్ప శరీరం చికిత్సకు సహకరించలేదు. ఈనెల 3న సియాచిన్‌లో విరిగిపడ్డ మంచు చరియల కింద హనుమంతప్ప చిక్కుకున్నాడు.

Videos

Leave a Reply

Your email address will not be published. Required fields are marked *