సాహో ప్రీరిలీజ్ వేడుక

సాహో రిలీజ్ దగ్గర పడుతుండడంతో చిత్ర యూనిట్ ప్రమోషన్స్ విషయంలో స్పీడు పెంచారు. ఇప్పటికే దేశ వ్యాప్తంగా సాహో ఫీవర్ కొనసాగుతోంది. తాజాగా చిత్ర యూనిట్ అభిమానులకు ‘సాహో’ ప్రీ రిలీజ్‌ వేడుకను ఈ నెల 18న నిర్వహించనున్నట్లు ప్రకటించింది. రామోజీఫిల్మ్‌ సిటీ ప్రాంగణంలో ఈ వేడుక జరగనున్నట్లు తెలిపింది. ఈ కార్యక్రమానికి చిత్ర బృందంతో పాటు పలువురు ప్రముఖులు హాజరుకానున్నట్లు సమాచారం. ఇప్పటికే విడుదలైన ఈ చిత్రం ట్రైలర్‌, పాటలకు మంచి స్పందన లభించింది. ప్రభాస్ సరసన శ్రద్ధా కపూర్‌ హీరోయిన్‌గా నటించిన ఈ సినిమాకు సుజిత్ దర్శకుడు. యూవీ క్రియేషన్స్‌ సంస్థ భారీ బడ్జెట్‌తో నిర్మిస్తున్న ఈ సినిమాలో నీల్‌ నితిన్‌ ముఖేష్‌, జాకీ ష్రాఫ్‌, చుంకీ పాండే, మందిరా బేడీ, మురళీ శర్మ, మహేష్‌ మంజ్రేకర్‌, వెన్నల కిశోర్‌లు కీలక పాత్రల్లో నటిస్తున్నారు. ఒక్కో పాటకు ఒక్కో సంగీత దర్శకుడు సంగీతమందిస్తుండగా జిబ్రాన్‌ నేపథ్య సంగీతమందిస్తున్నాడు.

Videos

Leave a Reply

Your email address will not be published.